ന്യൂഡല്‍ഹി: ഗ്രാന്‍ പ്രീ ഓഫ് ലിബറേഷന്‍ പ്ലെസന്‍ ഷൂട്ടിങ് ചാംപ്യന്‍ഷിപ്പില്‍ ഹീന സിധുവിന് വെങ്കലം. പത്ത് മീറ്റര്‍ എയര്‍ പിസ്റ്റള്‍ വിഭാഗത്തിലാണ് ഹീന വെങ്കലം സ്വന്തമാക്കിയത്. 218.8 പോയിന്റുകള്‍ നേടിയാണ് ഹീന വെങ്കലം സ്വന്തമാക്കിയത്. നേരത്തെ ഇന്ത്യയുടെ നീരജ് കുമാര്‍ 25 മീറ്റര്‍ സ്റ്റാന്‍ഡേര്‍ഡ് വിഭാഗത്തില്‍ സ്വര്‍ണവും ഹര്‍പ്രീത് സിങ് വെള്ളിയും ദീപക് ശര്‍മ വെങ്കലവും നേടിയിരുന്നു.
വനിതകളുടെ 50 മീറ്റര്‍ റൈഫിള്‍ പ്രോണ്‍ വിഭാഗത്തില്‍ വെറ്ററന്‍ താരം തേജസ്വിനി സാവന്ത് വെള്ളിയും പുരുഷന്‍മാരുടെ 25 മീറ്റര്‍ സെന്റര്‍ ഫയര്‍ പിസ്റ്റള്‍ വിഭാഗത്തില്‍ പെംബ തമങ് വെങ്കലവും നേടിയിരുന്നു. ഇന്ത്യന്‍ പുരുഷ സംഘം 25 മീറ്റര്‍ സ്റ്റാന്‍ഡേര്‍ഡ് പിസ്റ്റള്‍ ടീമിനത്തിലും വെങ്കല മെഡല്‍ നേടി.