ലഖ്‌നൗ: നിസാരതര്‍ക്കത്തിന്റെ പേരില്‍ 22കാരനെ തീകൊളുത്തിയ സംഭവത്തില്‍ നാലുപേര്‍ അറസ്റ്റില്‍. 65 ശതമാനത്തോളം പൊള്ളലേറ്റ യുവാവ് ഗുരുതരാവസ്ഥയില്‍ ആശുപത്രിയില്‍ ചികിത്സയിലാണ്. ഗോണ്ഡ ജില്ലയിലെ മുഗള്‍ജോത് ചിസ്തിപൂര്‍ ഗ്രാമത്തിലാണ് സംഭവം. വിഷ്ണു ഗോസ്വാമി എന്ന യുവാവിനെയാണ് തീകൊളുത്തിയത്. ഇയാളുടെ ചികിത്സക്ക് ആവശ്യമായ എല്ലാ സഹായങ്ങളും ചെയ്യുമെന്ന് പ്രതീക് ഭൂഷണ്‍ സിങ് എം.എല്‍.എ അറിയിച്ചു. വീട്ടിലേക്ക് വരുന്ന വഴിയിലാണ് തര്‍ക്കത്തെ തുടര്‍ന്ന് ഇയാള്‍ക്കുനേരെ ആക്രമണമുണ്ടായതെന്ന് ബന്ധു രാജ്കുമാര്‍ ഗോസ്വാമി പറഞ്ഞു.