റോം: അരങ്ങേറ്റ സീസണില്‍ തന്നെ ലീഗിലെ ഏറ്റവും മികച്ച താരത്തിനുള്ള അവാര്‍ഡ് സ്വന്തമാക്കി ക്രിസ്റ്റ്യാനോ റൊണാള്‍ഡോ വീണ്ടും കഴിവ് തെളിയിച്ചു. കഴിഞ്ഞ സീസണില്‍ ചാംപ്യന്‍സ് ലീഗ് കിരീടം സാന്റിയാഗോ ബെര്‍ണബ്യൂവിലെത്തിച്ചതിന് ശേഷമായിരുന്നു ക്രിസ്റ്റ്യാനോ റൊണാള്‍ഡോ യുവന്റസിലേക്ക് ചേക്കേറിയത്.

യുവന്റസിനു വേ@ണ്ടി തകര്‍പ്പന്‍ പ്രകടനമാണ് 34 കാരന്‍ കാഴ്ചവച്ചത്. ഇറ്റാലിയന്‍ ലീഗിലും ഇറ്റാലിയന്‍ സൂപ്പര്‍കപ്പിലും യുവന്റസ് കിരീടം നേടിയപ്പോള്‍ ക്രിസ്റ്റ്യാനോ നിര്‍ണായക പങ്ക് വഹിച്ചിരുന്നു. ഇറ്റാലിയന്‍ ലീഗില്‍ യുവന്റസിനായി 30 മത്സരങ്ങളില്‍ നിന്ന് 21 ഗോളുകള്‍ നേടിയ ക്രിസ്റ്റ്യാനോ എട്ട് ഗോളുകള്‍ക്ക് വഴിയൊരുക്കുകയും ചെയ്തിരുന്നു. ചാംപ്യന്‍സ് ലീഗ് ക്വാര്‍ട്ടറില്‍ പുറത്തായെങ്കിലും യുവന്റസിനു വേ@ണ്ടി ആറ് ഗോളുകള്‍ താരം നേടിയിരുന്നു.

ഇംഗ്ലീഷ് പ്രീമിയര്‍ ലീഗിലും സ്പാനിഷ് ലീഗിലും തന്റെ സൂപ്പര്‍താര പദവി ഉയര്‍ത്തിയ ക്രിസ്റ്റ്യാനോ ഇറ്റാലിയന്‍ ലീഗിലും അത് നിലനിര്‍ത്തിയിരിക്കുകയാണ്. ഏത് ലീഗില്‍ കളിക്കാനും താന്‍ തയാറാണെന്നും അതിനുള്ള ബാല്യം ഇനിയുമുണ്ടെന്നുമായിരുന്നു ക്രിസ്റ്റ്യാനോയുടെ പ്രതികരണം.