മാഡ്രിഡ്: ലാലിഗയിലെ സീസണിലെ അവസാന മത്സരത്തില്‍ തോല്‍വി വഴങ്ങി റയല്‍ മാഡ്രിഡ് സീസണ്‍ പൂര്‍ത്തിയാക്കി. ഇതോടെ ഈ സീസണിലെ റയലിന്റെ പതനം പൂര്‍ത്തിയായി. ക്രിസ്റ്റ്യാനോ റൊണാള്‍ഡോയും സിദാനും ക്ലബ് വിട്ടതോടെ തുടങ്ങിയതാണ് റയലിന്റെ ഗതികേട്. ഈ സീസണില്‍ ഒരു നേട്ടവുമില്ലാതെയാണ് റയല്‍ സീസണ്‍ അവസാനിപ്പിച്ചത്. റയല്‍ ബെറ്റിസിനോട് എതിരില്ലാത്ത രണ്ട് ഗോളുകള്‍ക്കാണ് റയല്‍ തോല്‍വി വഴങ്ങിയത്. ഈ സീസണില്‍ റയല്‍ വഴങ്ങുന്ന 12 ാം താല്‍വിയായിരുന്നു ഇന്നലത്തേത്.
സ്വന്തം മൈതാനത്താണ് റയല്‍ തോല്‍വി വഴങ്ങിയത്. ഗോള്‍ രഹിതമായ ആദ്യ പകുതിക്ക് ശേഷം ര@ണ്ടാം പകുതിയിലാണ് റയല്‍ ബെറ്റിസിന്റെ രണ്ട് ഗോളുകളും പിറന്നത്.

അതേസമയം, മറ്റൊരു മത്സരത്തില്‍ ലാലിഗ ചാംപ്യന്‍മാരായ ബാഴ്‌സലോണ സമനിലയോടെയാണ് സീസണ്‍ അവസാനിപ്പിച്ചത്. എയ്ബറിനോട് 2-2 എന്ന സ്‌കോറിനായിരുന്നു ബാഴ്‌സലോണ സമനില കൊണ്ട് രക്ഷപ്പെട്ടത്.
ബാഴ്‌സലോണക്കായി മെസ്സി ഇരട്ട ഗോള്‍ നേടി. ഇതോടെ മെസ്സിക്ക് ലീഗില്‍ 36 ഗോളുകളായി. വല്ലഡോളിഡിനെ തകര്‍ത്ത് വലന്‍സിയ ചാംപ്യന്‍സ് ലീഗിന് യോഗ്യത നേടി. ബാഴ്‌സലോണ, റയല്‍മാഡ്രിഡ്, അത്‌ലറ്റികോ മാഡ്രിഡ് എന്നീ ക്ലബുകളുമാണ് ചാംപ്യന്‍സ് ലീഗിലേക്ക് യോഗ്യത നേടിയത്. ഗറ്റാഫെ യൂറോപ്പ ലീഗിനും യോഗ്യത സ്വന്തമാക്കി.