ക്ലബ് ഷീ ഓട്ടോ നല്‍കികണ്ണൂര്‍: ലയണ്‍സ് ക്ലബ് ഇന്റര്‍നാഷണലിന്റെ നേതൃത്വത്തില്‍ 'സുദൃഢസഞ്ചാരം' സ്വയം തൊഴില്‍ പദ്ധതിയുടെ ഭാഗമായി 25 വനിതകള്‍ക്ക് ഓട്ടോകള്‍ വിതരണം ചെയ്തു. കുടുംബശ്രീയുടെയും ബാങ്കുകളുടെയും സഹകരണത്തോടെ സൗജന്യനിരക്കിലാണ് ഷീ ഓട്ടോകള്‍ നല്‍കിയത്. കണ്ണൂര്‍ സാധു കല്യാണമണ്ഡപത്തില്‍ ഇന്റര്‍നാഷണല്‍ ഡയരക്ടര്‍ എ.പി സിങ് ഉദ്ഘാടനം ചെയ്തു. പുതിയ ജില്ലാ ഭാരവാഹികളുടെ സ്ഥാനാരോഹണവും നടന്നു. ബിഗ് അച്ചീവര്‍ അവാര്‍ഡു നേടിയ ഡോ. വി.പി ഗംഗാധരനെ ആദരിച്ചു. ജില്ലാ ഗവര്‍ണര്‍ സി.എ ശിവപ്രസാദ് അധ്യക്ഷനായി. മുന്‍ ജില്ലാ ഗവര്‍ണര്‍ പ്രൊഫ. വര്‍ഗീസ് വൈദ്യന്‍ മുഖ്യാതിഥിയായിരുന്നു. കേണല്‍ എം ഗോപി, ഡെന്നിസ് തോമസ്, കെ.ടി അജിത്ത്, പി.എസ് വരദരാജന്‍, വി.കെ കൃഷ്ണകുമാര്‍, ഡോ.സുചിത്ര, സി.എ രജീഷ്, എ.എന്‍ ശിവാനന്ദന്‍ സംസാരിച്ചു.