പഴയങ്ങാടി: ജനാധിപത്യ മതേതരത്തിന്റെ അടിത്തറയിളക്കും വിധം രാജ്യത്ത് ഫാസിസത്തിന്റെ ഭീകരമുഖം വ്യക്തമാവുകയാണെന്ന് മുസ്‌ലിം ലീഗ് ജില്ലാ സെക്രട്ടറി കരീം ചേലേരി. കല്യശ്ശേരി മണ്ഡലം എക്‌സിക്യൂട്ടിവ് ക്യാംപ് ഉദ്ഘാടനം ചെയ്യുകയായിരുന്നു അദ്ദേഹം. തീവ്രവാദത്തിന്റെ പേരു പറഞ്ഞ് മുസ്‌ലിംകളെ വേട്ടയാടാനും ആട്ടിയോടിക്കാനുമുള്ള നീക്കം തടയണമെന്നും അദ്ദേഹം പറഞ്ഞു. എസ്.കെ.പി സകരിയ്യ അധ്യക്ഷനായി. പി.ഒ.പി മുഹമ്മദലി ഹാജി, കെ.വി.എം അലി ഹാജി, എം കുഞ്ഞഹമ്മദ്, ടി.പി അബ്ബാസ് ഹാജി, പി.പി മുഹമ്മദ് കുഞ്ഞി, അലി ഹാജി ആലക്കാട്, എ.പി ബദറുദ്ധീന്‍, പി.കെ മുഹമ്മദ് അസ്‌ലം സംസാരിച്ചു