തിരുവനന്തപുരം: കാരോട് ദേശീയപാത 66 ബൈപാസിന്റെ ആദ്യത്തെ ടോള്‍ പ്ലാസയുടെ നിര്‍മാണം തിരുവല്ലത്ത് ആരംഭിച്ചു. 

ടോള്‍ പ്ലാസ 2021 ജനുവരിയില്‍ തുറക്കും. ഇതിനു മുന്നോടിയായി നാഷണല്‍ ഹൈവേ അതോറിറ്റി ഓഫ് ഇന്ത്യ (എന്‍.എ.എ.ഐ.ഐ) വാഴമുട്ടത്ത് താല്‍ക്കാലിക ടോള്‍ പ്ലാസ നിര്‍മിച്ച് ടോള്‍ പിരിവ് അടുത്ത മാസത്തോടെ ആരംഭിക്കും.നേരത്തെ ആക്കുളത്ത് ടോള്‍ പ്ലാസ നിര്‍മിക്കാനായിരുന്നു തീരുമാനിച്ചിരുന്നത്. തിരക്ക് ഒഴവാക്കാനും നഗരത്തില്‍നിന്നു കഴക്കൂട്ടത്തേയ്ക്ക് പോകുന്നവരെ ടോളില്‍നിന്ന് ഒഴിവാക്കാനുമായി ടോള്‍ പ്ലാസ തുടങ്ങുന്നത് തിരുവല്ലത്തേക്ക് മാറ്റുകയായിരുന്നു.

കോവളത്തിനടുത്തുള്ള മുക്കോല മുതല്‍ തമിഴ്‌നാട് അതിര്‍ത്തിയായ കാരോട് വരെയുള്ള ദേശീയ പാതയുടെ പണി പുരോഗമിക്കുകയാണ്.