മറയൂര്‍: കനത്ത മഴയില്‍ സംഭവിച്ച മണ്ണിടിച്ചിലില്‍ രണ്ടടി താഴ്ച്ചയോളം നിരങ്ങി നീങ്ങിയ ഈട്ടിമരം അന്തര്‍ സംസ്ഥാന പാതയിലൂടെയുള്ള യാത്രക്കാര്‍ക്ക് ഭീഷണിയാകുന്നു.
ശബരിമല-പഴനി തീര്‍ത്ഥാടന പാതയുടെ ഭാഗമായുള്ള മൂന്നാര്‍ - മറയൂര്‍ റോഡില്‍ മറയൂരില്‍ നിന്നും 15 കിലോമീറ്റര്‍ റോഡരുകിലെ തേയിലതോട്ടത്തിലാണ് ഈട്ടിമരം ഭീഷണിയായിരിക്കുന്നത്.
മണ്ണിടിച്ചിലില്‍ ഈട്ടിമരം രണ്ടടി താഴ്ച്ചയിലേക്ക് നിരങ്ങി നീങ്ങിയെങ്കിലും നിലം പതിച്ചില്ല. എന്നാല്‍ ശക്തമായ ഒരു കാറ്റടിച്ചല്‍ ഏതു നിമിഷവും നിലം പതിക്കാവുന്ന അവസ്ഥയിലാണ് മരത്തിന്റെ നില്‍പ്പ്.
പെരിയവരൈയില്‍ താല്‍ക്കാലിക പാലം നിര്‍മ്മാണം അടുത്ത ദിവസം പൂര്‍ത്തിയാകുന്നതോടെ ഈ പതിയിലുള്ള ഗതാഗതം സജീവമാകും. ഏത് നിമിഷവും നിലം പതിക്കാവുന്ന അവസ്ഥയില്‍ നില്‍ക്കുന്ന ഈട്ടിമരം നീക്കം ചെയ്യണമെന്നമെന്ന ആവശ്യം ശക്തമായി.