ആലപ്പുഴ: കലക്ടറുടെ കാര്‍ത്തികപ്പള്ളിയിലെ സേവനസ്പര്‍ശത്തില്‍ നൂറോളം പേരുടെ കുടിവെള്ള പ്രശ്‌നത്തിന് പരിഹാരം. കരുവാറ്റ പഞ്ചായത്തില്‍ 13ാം വാര്‍ഡില്‍ അഞ്ചുതെങ്ങ് പ്രദേശവാസികളായ നൂറോളം പേരാണ് തങ്ങള്‍ക്ക് കുടിവെള്ളം ലഭിക്കുന്നില്ലെന്ന പരാതിയുമായി കളക്ടറുടെ അടുത്ത് എത്തിയത്.
പൊതുകിണറുകളോ തോടുകളോ ഇല്ലാത്തതിനാല്‍ ഈ പ്രദേശത്തുകാര്‍ പൈപ്പ് വെള്ളമാണ് കുടുവെള്ളത്തിന് ആശ്രയിക്കുന്നത്. പൈപ്പുകള്‍ പഴകിയത് മൂലം പൊട്ടിപ്പോകുന്നതിനാല്‍ പലയിടത്തും കുടിവെള്ളം കിട്ടാത്ത അവസ്ഥയാണ്.
അടിയന്തരമായിപഴയ പൈപ്പ് ലൈന്‍ മാറ്റി പുതിയത് സ്ഥാപിച്ച് എത്രയും പെട്ടെന്ന് കുടിവെള്ളം എത്തിക്കാന്‍ ജില്ലാ കളക്ടര്‍ വാട്ടര്‍ അതോറിട്ടി എക്‌സിക്യൂട്ടീവ് എന്‍ജിനീയര്‍ക്ക് നിര്‍ദേശം നല്‍കി.