മാഡ്രിഡ്: റയല്‍ മാഡ്രിഡിന്റെ ജര്‍മന്‍ താരം ടോണി ക്രൂസ് റയല്‍ മാഡ്രിഡുമായി പുതിയ കരാറിലെത്തി. 2023 വരെയാണ് ക്രൂസിന് കരാര്‍ നീട്ടി നല്‍കിയിട്ടുള്ളത്.
2014 ലാണ് ജര്‍മന്‍ ക്ലബ് ബയേണില്‍നിന്ന് ക്രൂസിനെ റയല്‍ സ്വന്തമാക്കിയത്. പിന്നീട് ക്ലബിനോപ്പം മൂന്ന് ചാംപ്യന്‍സ് ലീഗും, ഒരു ലാലിഗ കിരീടവും സ്വന്തമാക്കി. റയല്‍ മധ്യനിരയിലെ പ്രധാന താരമായ ക്രൂസ് ലോകത്തിലെ മികച്ച മധ്യനിര താരങ്ങളില്‍ ഒരാളായാണ് അറിയപ്പെടുന്നത്. സിദാന്‍ മടങ്ങി വന്നതോടെയാണ് താരം റയല്‍ മാഡ്രിഡില്‍ തന്നെ തുടരാന്‍ തീരുമാനിച്ചത്. പി.എസ്.ജി, മാഞ്ചസ്റ്റര്‍ യുനൈറ്റഡ് ക്ലബുകള്‍ ടോണി ക്രൂസിന് പിറകെയുണ്ടായിരുന്നെന്ന വാര്‍ത്ത വന്നിരുന്നു.