ഫ്രാങ്ക്ഫുര്‍ട്ട്(ജര്‍മനി): യൂറോപ്യന്‍ കെ.എം.സി.സി വാട്ട്‌സ്ആപ്പ് കൂട്ടായ്മ സംഘടിപ്പിച്ച സി.എച്ച് മുഹമ്മദ് കോയ അനുസ്മരണം പി. ഉബൈദുല്ല എം.എല്‍.എ ഓണ്‍ലൈനില്‍ ഉദ്ഘാടനം ചെയ്തു. ചരിത്രകാരന്‍ യു.കെ മുഹമ്മദ് കുഞ്ഞി മുഖ്യപ്രഭാഷണം നടത്തി.

പഴയതലമുറയെ ചേര്‍ത്തുപിടിച്ച് പുതിയതലമുറയെ അംഗീകരിച്ച് അവരെ പ്രോത്സാഹിപ്പിക്കുകയെന്നതാണ് സി.എച്ചിന്റെ ശൈലിയെന്ന് അദ്ദേഹം പറഞ്ഞു. പി. അബ്ദുല്‍അസീസ് ഓസ്ട്രിയ അധ്യക്ഷനായി. ജാഫര്‍ കറുത്തേടത്ത്, മുഹമ്മദ് മാള്‍ട്ട, അബ്ദുല്‍സലീം ബെല്‍ജിയം, ആഷിഖ് സി, ഇന്ത്യനൂര്‍, മുഹമ്മദ് ജവാദ് ജര്‍മനി സംസാരിച്ചു.