കൊടുങ്ങല്ലൂര്‍: വധശ്രമ കേസില്‍ ഉള്‍പ്പെട്ട് ഗള്‍ഫിലേക്ക് കടന്നയാളെ മൂന്ന് വര്‍ഷത്തിന് ശേഷം പൊലിസ് പിടികൂടി. ആനപ്പുഴ അക്കരപാളയത്ത് അനീഷാ(37) ണ് അഹമ്മദാബാദ് എയര്‍പോര്‍ട്ടില്‍ വെച്ച് പൊലിസിന്റെ പിടിയിലായത്. കൂട്ടുകാര്‍ തമ്മില്‍ പരസ്പരം കളിയാക്കിയതിനെ ചൊല്ലിയുള്ള തര്‍ക്കം സംഘട്ടനത്തിലെത്തിയതിനെ തുടര്‍ന്നാണ് ഇയാള്‍ കേസില്‍ ഉള്‍പ്പെട്ടത്.
മൂന്ന് പ്രതികളില്‍ ഒരാള്‍ നേരത്തെ പിടിയിലായിരുന്നു. മറ്റ് രണ്ട് പേര്‍ ഗള്‍ഫിലേക്ക് കടക്കുകയായിരുന്നു. ഇവര്‍ക്കായി പൊലിസ് ലൂക്ക് ഔട്ട് നോട്ടീസ് ഇറക്കിയിരുന്നു. അഹമ്മദാബാദ് എയര്‍പോര്‍ട്ട് വഴി നാട്ടിലെത്തുവാന്‍ ശ്രമിക്കുന്നതിനിടെയാണ് ഇയാള്‍ അറസ്റ്റിലായത്. കൊടുങ്ങല്ലൂര്‍ പൊലിസ് ഇയാളെ നാട്ടിലെത്തിച്ച് നടപടികള്‍ സ്വീകരിച്ചു.