തൃശൂര്‍: തൃശൂരില്‍ പരോളിനിറങ്ങിയ പോക്‌സോ കേസ് പ്രതിയെ വെട്ടിക്കൊലപ്പെടുത്തി. എളനാട് സ്വദേശി സതീഷ്(38) ആണ് കൊല്ലപ്പെട്ടത്. ആളൊഴിഞ്ഞ പറമ്പില്‍ നിന്നാണ് മൃതദേഹം കണ്ടെത്തിയത്. ആദിവാസി യുവതിയെ പീഡിപ്പിച്ച കേസില്‍ എട്ടുമാസം ജയിലിലായിരുന്നു ഇയാള്‍.

പഴയന്നൂര്‍ പൊലിസ് സ്റ്റേഷനില്‍ ഗുണ്ടാലിസ്റ്റിലുണ്ടായിരുന്ന ആളാണ് സതീഷ്. ആളൊഴിഞ്ഞ വീടിന്റെ വരാന്തയില്‍ മദ്യപസംഘങ്ങള്‍ തമ്പടിക്കാറുണ്ടെന്ന് നാട്ടുകാര്‍ പൊലീസിനോട് പറഞ്ഞു.