പെരുമ്പാവൂര്‍: എ.വി.ടി നാച്ചുറല്‍ പ്രോഡക്ടിന്റെ സഹകരണത്തോടെ വാഴക്കുളം ഗ്രാമപഞ്ചായത്ത് കാളാന്‍ചിറ പാടശേഖര സമിതിക്ക് വാങ്ങിച്ച് നല്‍കിയ മെതി, പാറ്റ് യന്ത്രത്തിന്റെ പ്രവര്‍ത്തനോദ്ഘാടനം ഗ്രാമപഞ്ചായത്ത് പ്രസിഡന്റ് വിജി സണ്ണി നിര്‍വ്വഹിച്ചു.
വാര്‍ഡ് മെമ്പര്‍ വി.സി ചന്ദ്രന്‍ അധ്യക്ഷത വഹിച്ചു. ചടങ്ങില്‍ ഗ്രാമപഞ്ചായത്ത് വൈസ് പ്രസിഡന്റ് നിഷ അലിയാര്‍, സ്ഥിരം സമിതി അധ്യക്ഷരായ ഫാത്തിമ ജബ്ബാര്‍, ഷെറീന ബഷീര്‍, ഗ്രാമപഞ്ചായത്തംഗങ്ങളായ പി.എം നാസര്‍, സരോജിനി ശങ്കരന്‍, എ.വി.ടി ജനറല്‍ മാനേജര്‍ തോമസ് കടവന്‍, പാടശേഖരസമിതികളുടെ പ്രസിഡന്റുമാരായ ജബ്ബാര്‍ തച്ചയില്‍, ടി.എ അലിയാര്‍, ഷെഫീക്ക് കുന്നപ്പിള്ളി, കൃഷി അസിസ്റ്റന്റ് ഓഫീസര്‍ കെ.യു സൈമണ്‍, മൈനര്‍ ഇറിഗേഷന്‍ പ്രതിനിധി സന്തോഷ്, പാടശേഖര സമിതി സെക്രട്ടറി ഫരീരുദ്ദീന്‍, മുന്‍ പ്രസിഡന്റ് എം.ഇ കുഞ്ഞുമുഹമ്മദ് എന്നിവര്‍ സംസാരിച്ചു.