അരീക്കോട്: പഞ്ചായത്തിലെ മുണ്ടമ്പ്രയില്‍ ജനകീയ കൂട്ടായ്മയിലൂടെ തുടക്കം കുറിച്ച അറിവിന്‍ നിറവ് പദ്ധതിയില്‍ പതിനഞ്ചിന പരിപാടികള്‍ നടപ്പാക്കുന്നു. വിദ്യഭ്യാസ പ്രവര്‍ത്തനങ്ങള്‍ക്ക് ഊര്‍ജം പകരുന്നതിനായി പഞ്ചായത്തംഗം എ.എം ഷാഫിയുടെ നേതൃത്വത്തില്‍ തുടങ്ങിയ പദ്ധതിയാണ് പൊതുജന പങ്കാളിത്തത്തോടെ വിപുലീകരിക്കുന്നത്.
മുണ്ടമ്പ്രയുടെ വിദ്യഭ്യാസ കലാസാംസ്‌കാരിക പുരോഗതിയാണ് പദ്ധതിയുടെ ലക്ഷ്യം.
പ്രസംഗ പരിശീലനം, ഭാഷാ പഠനം, ആശയവിനിമയ ക്ലാസുകള്‍, വിദ്യാര്‍ഥിക്കൂട്ട് തുടങ്ങിയ വിവിധയിനം പരിപാടികളാണ് പദ്ധതിയില്‍ നടപ്പാക്കുക. 14 ന് രാവിലെ 10ന് വിദ്യാര്‍ഥികള്‍ക്കായി കരിയര്‍ ഗൈഡന്‍സ് ക്ലാസ് നടത്തും. നൗഷാദ് അരീക്കോട്, എ.എം ശാഫി, ഗവ. ഐ.ടി.ഐ പ്രിന്‍സിപ്പല്‍ എന്നിവര്‍ നേതൃത്വം നല്‍കും.