റിയാദ് : നോര്‍ക റൂട്ട്‌സ് അംഗത്വമുള്ള പ്രവാസികള്‍ക്ക് ഒമാന്‍ എയര്‍വേയ്‌സില്‍ നിരക്കിളവ്. ഡിസംബര്‍ 31 വരെ ലഭിക്കുന്ന ആനുകൂല്യം സംബന്ധിച്ച് ഒമാന്‍ എയര്‍വേയ്‌സിന്റെ സഊദി ബ്രാഞ്ചാണ് അറിയിച്ചത്. നോര്‍ക റൂട്ട്‌സില്‍ അംഗത്വമെടുക്കുമ്പോള്‍ ലഭിക്കുന്ന തിരിച്ചറിയല്‍ കാര്‍ഡ് തെളിവായി പരിഗണിച്ചാണ് ടിക്കറ്റ് നിരക്കില്‍ ഇളവ് നല്‍കുന്നത്. ഓരോ ടിക്കറ്റിനും ഏഴ് ശതമാനമാണ് ഇളവ് ലഭിക്കുക
ഇന്ത്യയില്‍ നിന്ന് ലോകത്തെവിടേക്കും തിരിച്ചും ഒമാന്‍ എയര്‍വേയ്‌സിന്റെ ഏത് സര്‍വിസിലും ഈ ആനുകൂല്യം ലഭിക്കും. ബിസിനസ് ക്ലാസിലും ഇകണോമി ക്ലാസിലും ഇത് ബാധകമാണ്. www.omanair.com എന്ന വെബ്‌സൈറ്റില്‍ NRKA2019 എന്ന പ്രമോ കോഡ് കൊടുത്ത് ബുക്ക് ചെയ്താല്‍ ആനുകൂല്യം ലഭിക്കും. ജി.സി.സി രാജ്യങ്ങളിലും ഇന്ത്യയിലുമുള്ള ഒമാന്‍ എയര്‍വേയ്‌സ് ഓഫിസുകളില്‍ നേരിട്ടുപോയും തിരിച്ചറിയല്‍ കാര്‍ഡ് കൈയിലുണ്ടായാല്‍ നിരക്കിളവില്‍ ടിക്കറ്റ് ബുക്ക് ചെയ്യാനാകും.