ഗൂഡല്ലൂര്‍: മേഫീള്‍ഡ് മദ്‌റസയില്‍ മെഹ്‌റജാനുല്‍ ബിദായ പ്രവേശനോത്സവം നടത്തി. മുസ്ഥഫാ ബാഅലവി പൂകോയ തങ്ങള്‍ ഉദ്ഘാടനം ചെയ്തു.
പ്രസിഡന്റ് കുഞ്ഞിമുഹമ്മദ് അദ്യക്ഷനായി. ഖതീബ് ഉമര്‍ ഫൈസി, സൈദലവി റഹ്മാനി, അബ്ദുറഹ്മാന്‍ മുസ്‌ലിയാര്‍, മൊയ്തീന്‍ മൗലവി, ഹനീഫ സഅദി, ശമീര്‍ മന്നാനി, ഉണ്ണീന്‍ കുട്ടി ഹാജി, അബ്ദുസമദ് സൂപ്രൈസര്‍ സംസാരിച്ചു.
ചുള്ളിയോട്: കരടിപ്പാറ മുനവ്വിറുല്‍ ഇസ്‌ലാം മദ്‌റസ മഹല്ല് കമ്മിറ്റിയും ശാഖാ എസ്.കെ.എസ്.എസ്.എഫും സംയുക്തമായി പ്രവേശനോത്സവം സംഘടിപ്പിച്ചു. വാര്‍ഡംഗം റഫീഖ് ഉദ്ഘാടനം ചെയ്തു. സെക്രട്ടറി കുഞ്ഞിമുഹമ്മദ് അധ്യക്ഷനായി.
പുസ്തക വിതരണ ഉദ്ഘാടനം മഹല്ല് പ്രസിഡന്റ് ഹുസൈന്‍ ഹാജി നിര്‍വഹിച്ചു. ഖത്തീബ് ഇസ്മായില്‍ ദാരിമി മുഖ്യപ്രഭാഷണം നടത്തി. ട്രഷറര്‍ കുഞ്ഞിമുഹമ്മദ്, എസ്.കെ.എസ്.എസ്.എഫ് ശാഖാ സെക്രട്ടറി മുഹമ്മദലി, കെ നിസാര്‍ സംസാരിച്ചു.