പേരാല്‍: ഗവ.എല്‍.പി സ്‌കൂളിന്റെ ആഭിമുഖ്യത്തില്‍ ആരോഗ്യ ബോധവല്‍കരണ ക്ലാസ് നടത്തി. ആരോഗ്യ വകുപ്പിലെ ജൂനിയര്‍ ഹെല്‍ത്ത് ഇന്‍സ്‌പെക്ടര്‍ വി റജി 'രോഗങ്ങളും മുന്‍കരുതലും' എന്ന വിഷയത്തില്‍ ക്ലാസെടുത്തു. എസ്.എം.സി ചെയര്‍മാന്‍ വി.ആര്‍ രമേശന്‍ അധ്യക്ഷനായി. പടിഞ്ഞാറത്തറ ഗ്രാമപഞ്ചായത്ത് വാര്‍ഡ് മെമ്പര്‍ ആസ്യ ചേരാപുരം, എം.പി.ടി.എ പ്രസിഡന്റ് ഒ.എസ് റംലത്ത്, എം.കെ മധു, സി.കെ സന്ധ്യ, എ.പി സജിത്ത് എന്നിവര്‍ സംസാരിച്ചു. 2016-17 വര്‍ഷത്തെ എസ്.എം.സി, എം.പി.ടി.എ ഭാരവാഹികളായി എം.കെ മധു, എ.പി ഷെരീഫ്, ഒ.എസ് റംലത്ത്, മജിഷ സന്തോഷ് എന്നിവര്‍ തിരഞ്ഞെടുത്തു. പ്രധാനാധ്യാപകന്‍ പി.ജെ മാത്യു സ്വാഗതവും സ്റ്റാഫ് സെക്രട്ടറി എം.പി അബൂബക്കര്‍ നന്ദിയും പറഞ്ഞു.