താമരശേരി: കണ്ണപ്പന്‍കുണ്ടില്‍ നടന്ന ഉരുള്‍പൊട്ടലില്‍ ദുരിതമനുഭവിക്കുന്ന പ്രദേശവാസികള്‍ക്ക് പുതുപ്പാടി പെരുമ്പള്ളി മഹല്ലിന്റെ സഹായ ഹസ്തം. കണ്ണപ്പന്‍കുണ്ടിലെ 17 ഓളം കുടുംബങ്ങള്‍ക്ക് മഹല്ല് കമ്മിറ്റി പമ്പ് സെറ്റുകള്‍ നല്‍കി. പമ്പ് സെറ്റുകള്‍ സ്ഥാപിക്കുന്നതിനുള്ള പണവും കമ്മിറ്റി തന്നെ നല്‍കി.
ഉരുള്‍പൊട്ടലിലും മലവെള്ള പാച്ചിലിലും പ്രദേശത്തെ കിണറുകളിലെ പമ്പ് സെറ്റുകള്‍ നഷ്ടപ്പെടുകയും ഉപയോഗശൂന്യമാവുകയും ചെയ്തിരുന്നു. ദുരന്തത്തിന് ശേഷം കുടിവെള്ളം ശേഖരിക്കുന്നതില്‍ പ്രദേശവാസികള്‍ ഏറെ ദുരിതമനുഭവിച്ചിരുന്നു. കണ്ണപ്പന്‍കുണ്ടില്‍ നടന്ന ചടങ്ങില്‍ പെരുമ്പള്ളി മഹല്ല് പ്രസിഡന്റ് സി. മൊയ്തീന്‍കുട്ടി കണ്ണപ്പന്‍കുണ്ട് മഹല്ല് പ്രസിഡന്റ് അഹമ്മദ് കുട്ടി ഹാജിക്ക് സാധനങ്ങള്‍ കൈമാറി. ചടങ്ങില്‍ നിരവധിപേര്‍ സംബന്ധിച്ചു.