ഫറോക്ക്: ആഘോഷ പരിപാടികള്‍ക്ക്് ഉപയോഗക്കാന്‍ സൂക്ഷിച്ച 20 ലിറ്റര്‍ ചാരായം എക്‌സൈസ് സംഘം പിടികൂടി. പെരുമണ്ണ മാര്‍ച്ചാല്‍ റോഡിനു സമീപത്തു കുറ്റിക്കാട്ടില്‍ ചാരായം നിറച്ച കാന്‍ പൊതിഞ്ഞു സൂക്ഷിച്ച നിലയിലാണ് കണ്ടെത്തിയത്.പെരുമണ്ണ, പുത്തൂര്‍മഠം ഭാഗങ്ങളില്‍ വാറ്റ് വ്യാപകമാകുന്നതായുളള രഹസ്യ വിവരത്തെ തുടര്‍ന്നുളള പരിശോധനയിലാണ് ചാരായം പിടികൂടിയത്. ചാരായം വാറ്റ് സംഘത്തിനായുളള അന്വേഷണം എക്‌സൈസ് സംഘം ഊര്‍ജിതമാക്കിയിട്ടുണ്ട്.ഫറോക്ക് റേഞ്ച് അസി. എക്‌സൈസ് ഇന്‍സ്‌പെക്ടര്‍ കെ. യൂസുഫ്, പ്രിവന്റീവ് ഓഫിസര്‍മാരായ അബ്ദുല്‍ ഗഫൂര്‍, ബി. യുഗേഷ്, സിവില്‍ എക്‌സൈസ് ഓഫിസര്‍മാരായ ടി. ഗോവിന്ദന്‍, പി. വിപിന്‍, എം. ഷിബു, എക്‌സൈസ് ഡ്രൈവര്‍ എം.എന്‍ അനില്‍കുമാര്‍ എന്നിവര്‍ പരിശോധനക്കു നേതൃത്വം നല്‍കി.