തളിപ്പറമ്പ്: ബ്ലോക്ക് പഞ്ചായത്ത് വികസന സെമിനാര്‍ തളിപ്പറമ്പ് ബ്ലോക്ക് പഞ്ചായത്ത് ഹാളില്‍ കെ.കെ രാഗേഷ് എം.പി ഉദ്ഘാടനം ചെയ്തു. പതിമൂന്നാം പഞ്ചവത്സര പദ്ധതിയുടെ ആദ്യ വര്‍ഷത്തെ പദ്ധതിക്ക് രൂപം നല്‍കുന്നതിനായാണ് സെമിനാര്‍ നടത്തിയത്. ഉപഭോഗ സംസ്ഥാനമായ കേരളത്തില്‍ എല്ലാവര്‍ക്കും എല്ലാം വാങ്ങാനുള്ള ശേഷിയുണ്ടായത് ഭൂപരിഷ്‌കരണം നടപ്പാക്കിയതിന്റെ ഗുണമാണെന്നും വികസനം എങ്ങനെ മികച്ച രീതിയില്‍ മുന്നോട്ട് കൊണ്ടുപോകാനാകും എന്നതാണ് ചര്‍ച്ച ചെയ്യപ്പെടേണ്ടതെന്നും എം.പി പറഞ്ഞു. ബ്ലോക്ക് പഞ്ചായത്ത് പ്രസിഡന്റ് ടി. ലത അധ്യക്ഷയായി. ഡി. പി.സി.സി അംഗം കെ.വി ഗോവിന്ദന്‍ നയരേഖ അവതരിപ്പിച്ചു.
സി. ജീജ കരട് പ്രൊജക്ട് അവതരിപ്പിച്ചു. എം. സുരേശന്‍ 2016-17 വര്‍ഷത്തെ റിപ്പോര്‍ട്ട് അവതരിപ്പിച്ചു. വി.പി ഗോവിന്ദന്‍, ജോസ് ജോസഫ്, പി.കെ ചിത്രലേഖ, ഇ.സി ഭാസ്‌കരന്‍, ജോര്‍ജ് തോമസ് സംസാരിച്ചു.