പാറ്റ്‌ന: തെരഞ്ഞെടുപ്പില്‍ ഒറ്റയ്ക്കു മത്സരിക്കുമെന്നും എന്നാല്‍ ബി.ജെ.പിയെ പിന്തുണയ്ക്കുമെന്നും ചിരാഗ് പാസ്വാന്റെ എല്‍.ജെ.പി പ്രഖ്യാപിച്ചതിനു പിന്നാലെ ബി.ജെ.പിയില്‍നിന്ന് എല്‍.ജെ.പിയിലേക്ക് നേതാക്കളുടെ ഒഴുക്ക്. മുതിര്‍ന്ന ബി.ജെ.പി നേതാക്കളായ ഉഷ വിദ്യാര്‍ഥി, രാജേന്ദ്രസിങ് എന്നിവര്‍ കഴിഞ്ഞ ദിവസങ്ങളില്‍ എല്‍.ജെ.പിയില്‍ ചേര്‍ന്നതിനു പിന്നാലെ, മുതിര്‍ന്ന നേതാവ് രാമേശ്വര്‍ ചൗരസ്യയടക്കം പത്തിലേറെ നേതാക്കളും എല്‍.ജെ.പിയിലെത്തിയിട്ടുണ്ട്.

സീറ്റ് കിട്ടാത്തതിനാലാണ് ഇവര്‍ പാര്‍ട്ടി വിട്ട് എല്‍.ജെ.പിയില്‍ ചേര്‍ന്നതെന്നാണ് പറയപ്പെടുന്നതെങ്കിലും, എല്‍.ജെ.പിയുമായി ചേര്‍ന്നു ബിഹാറില്‍ ജെ.ഡി.യുവിനെ പരാജയപ്പെടുത്താനാണ് ബി.ജെ.പി ശ്രമമെന്ന വാര്‍ത്തകളാണ് പുറത്തുവരുന്നത്.