പാട്ടവയല്‍: കാട്ടാനയുടെ ആക്രമണത്തില്‍ യുവാവ് കൊല്ലപ്പെട്ടു. പാട്ടവയല്‍ കാരക്കുനിയിലെ ബാലകൃഷ്ണനാണ്(45)മരിച്ചത്. ചൊവ്വാഴ്ച രാത്രി ഒന്‍പതോടെയാണ് ബാലകൃഷ്ണന് നേരെ കാട്ടാനയുടെ ആക്രമണമുണ്ടായത്. പാട്ടവയലിലെ ഒരു വ്യാപാര സ്ഥാപനത്തില്‍ ജോലി ചെയ്യുന്ന ബാലകൃഷ്ണന്‍ കടയടച്ച് വീട്ടിലേക്ക് പോകും വഴിയായിരുന്നു ആനക്ക് മുന്നില്‍പ്പെട്ടത്. ആനയുടെ ആക്രമണത്തില്‍ ഗുരുതര പരുക്കേറ്റ ഇയാളെ നാട്ടുകാര്‍ സുല്‍ത്താന്‍ ബത്തേരി താലൂക്ക് ആശുപത്രിയിലെത്തിക്കുകയായിരുന്നു.
കൈകാലുകളിലും മുഖത്തും ഗുരുതര പരുക്കേറ്റ ബാലകൃഷ്ണനെ രാത്രി 12ഓടെ കോഴിക്കോട് മെഡിക്കല്‍ കോളജ് ആശുപത്രിയിലേക്ക് കൊണ്ടുപോയി. എന്നാല്‍ വൈത്തിരി എത്തിയപ്പോഴേക്കും മരണം സംഭവിച്ചു. ഭാര്യ: രാധ.