കൊണ്ടോട്ടി: ഹജ്ജ് തീര്‍ഥാടനത്തിന്  കേരളത്തില്‍ നിന്ന്  മഹ്‌റം സീറ്റിലേക്ക് അപേക്ഷിച്ചത് 109 പേര്‍. ഈ വര്‍ഷം തിരഞ്ഞെടുക്കപ്പെട്ട പുരുഷനോടൊപ്പം തീര്‍ഥാടനത്തിന് പോകാന്‍ കഴിയാതെ വരികയും ഹജ്ജ് നിര്‍വഹിക്കുവാന്‍ മറ്റു മഹ്‌റം ഇല്ലാത്തവരുമായ സ്ത്രീകളേയാണ് ഈ സീറ്റിലേക്ക് പരിഗണിക്കുന്നത്.
മഹ്‌റം സീറ്റിലേക്ക് കേന്ദ്ര ഹജ്ജ് കമ്മിറ്റി ക്ഷണിച്ച അപേക്ഷ ഇന്നലെയാണ് അവസാനിച്ചത്. ഇന്ത്യയിലൊട്ടാകെ 200 സീറ്റുകളാണ് ഇതിനായി നീക്കി വച്ചത്. കൂടുതല്‍ അപേക്ഷകരുള്ളതിനാല്‍ നറുക്കെടുപ്പിലൂടെ തിരഞ്ഞെടുക്കും.