ബ്യൂണസ് ഐറിസ്: അവസാന രണ്ട് തവണയും ചുണ്ടിന്റെ മുന്നില്‍ നിന്ന് നഷ്ടപ്പെട്ട കോപ്പാ അമേരിക്ക കിരീടം പിടിക്കാനെത്തുന്ന അര്‍ജന്റീന ടീമിനെ പ്രഖ്യാപിച്ചു.
അടുത്തമാസം ബ്രസീലിലാണ് ചാംപ്യന്‍ഷിപ്പ് നടക്കുന്നത്. ലോകകപ്പിലേറ്റ തിരിച്ചടിക്കു ശേഷം പുതിയ പരിശീലകന്‍ ലയണല്‍ സ്‌കലോനിയുടെ കീഴില്‍ ഉടച്ചു വാര്‍ത്ത അര്‍ജന്റീന കോപ്പയിലൂടെ ശക്തമായ തിരിച്ചുവരവാണ് ലക്ഷ്യമിടുന്നത്.
ലോകകപ്പ് സംഘത്തിലുണ്ട@ായിരുന്ന സെര്‍ജിയോ അഗ്യൂറോയെ സ്‌കലോനി ടീമിലേക്കു തിരിച്ചുവിളിച്ചത് ശ്രദ്ധേയമാണ്. മാഞ്ചസ്റ്റര്‍ സിറ്റിക്കൊപ്പമുള്ള തകര്‍പ്പന്‍ പ്രകടനമാണ് അഗ്യൂറോക്ക് തുണയായത്. ലോകകപ്പ് ടീമിലുണ്ട@ായിരുന്ന അറ്റാക്കിങ് മിഡ്ഫീല്‍ഡര്‍ എയ്ഞ്ചല്‍ ഡിമരിയയും കോപ്പയ്ക്കുള്ള ടീമില്‍ ഇടം നേടി. കോപ്പയില്‍ കൊളംബിയ, പരാഗ്വേ, ഖത്തര്‍ എന്നിവര്‍ക്കൊപ്പം ഗ്രൂപ്പ് ബിയിലാണ് അര്‍ജന്റീനയുടെ സ്ഥാനം.

ടീം. ഗോള്‍കീപ്പര്‍മാര്‍: ആന്‍ഡ്രാഡ (ബൊക്ക ജൂനിയേഴ്‌സ്), അര്‍മാനി (റിവര്‍ പ്ലേറ്റ്), മാര്‍ക്കെസിന്‍ (എം.എല്‍.എസ്).
ഡിഫന്‍ഡര്‍മാര്‍: സറാവിയ (റേസിങ് ), ഫോയ്ത്ത് (ടോട്ടനം), ഒട്ടാമെന്‍ഡി (മാന്‍.സിറ്റി), പസ്സേല (ഫിയൊറെന്റീന), ഫ്യുനസ് മോറി ( വിയ്യാറയല്‍), ടെഗ്ലിയാഫിക്കോ (അയാക്‌സ്), കാസ്‌കോ (റിവര്‍ പ്ലേറ്റ്), അക്യൂന (സ്‌പോര്‍ട്ടിങ്).
മധ്യനിര: പലാഷ്യോസ് (റിവര്‍ പ്ലേറ്റ്), ഗ്വിഡോ റോഡ്രിഗസ് (എം.എല്‍.എസ്), പറെഡെസ് (പി.എസ്.ജി), ലോ കെല്‍സോ (റയല്‍ ബെറ്റിസ്), പെരേര (വാട്‌ഫോര്‍ഡ്), ഡി പോള്‍ (ഉഡിനെസ്), ഡി മരിയ (പി.എസ്.ജി).
മുന്നേറ്റനിര: മെസ്സി (ബാഴ്‌സലോണ), സെര്‍ജിയോ അഗ്യൂറോ (മാന്‍. സിറ്റി), ലൊറ്റാറോ (ഇന്റര്‍മിലാന്‍), മത്യാസ് സുവാരസ് (റിവര്‍ പ്ലേറ്റ്), പൗളോ ഡിബാല (യുവന്റസ്).