മനാമ: പ്രമുഖ പണ്ഡിതനും സമസ്ത കേന്ദ്ര മുശാവറ അംഗവും സുപ്രഭാതം ദിനപത്രം രക്ഷാധികാരിയുമായ മാണിയൂര്‍ അഹമ്മദ് മുസ്ലിയാര്‍ ഇന്ന് ബഹ്‌റൈനിലെത്തും.
വ്യാഴാഴ്ച ഉച്ചക്ക് 12 മണിക്ക് ബഹ്‌റൈന്‍ ഇന്റര്‍നാഷണല്‍ എയര്‍പോര്‍ട്ടിലെത്തുന്ന ഉസ്താദിന് സമസ്ത ബഹ്‌റൈന്‍ ഭാരവാഹികളുടെ നേതൃത്വത്തില്‍ എയര്‍പോര്‍ട്ടില്‍ സ്വീകരണം നല്‍കും.

ഹൃസ്വ സന്ദര്‍ശനാര്‍ത്ഥം ബഹ്‌റൈിലെത്തിയ മാണിയൂര്‍ അഹമ്മദ് മുസ്ലിയാര്‍ പങ്കെടുക്കുന്ന ദുആ മജ് ലിസും ഇഫ്താര്‍ മീറ്റും 24ന് വെള്ളിയാഴ്ച 4.30 മുതല്‍ മനാമ ഗോള്‍ഡ് സിറ്റിയിലെ സമസ്ത ആസ്ഥാനത്ത് നടക്കും. ചടങ്ങില്‍ ബഹ്‌റൈനിലെ പ്രമുഖര്‍ പങ്കെടുക്കും.
വിശ്വാസികള്‍ക്ക് ഉസ്താദിനെ നേരില്‍ കാണാനുള്ള അവസരവും ഇവിടെ ഉണ്ടായിരിക്കും.ജാതി മത ഭേദമന്യെ നാട്ടിലും മറുനാട്ടിലും മാണിയൂര്‍ ഉസ്താദിനെ നേരില്‍ കാണാനും അനുഗ്രഹം നേടാനുമായി എത്തുന്ന വിശ്വാസികള്‍ ഏറെയാണ്.

കണ്ണൂര്‍ ജില്ലയിലെ ചെറുവത്തല പ്രദേശത്തെ പ്രസിദ്ധരായ പുറത്തില്‍ ശൈഖിന്റെ കുടുംബ പരമ്പരയില്‍ പെട്ട പണ്ഡിതന്‍ കൂടിയാണ് മാണിയൂര്‍ ഉസ്താദ്. ഉസ്താദിന്റെ സന്ദര്‍ശനം ബഹ്‌റൈനിലെ വിശ്വാസി സമൂഹം വലിയ ആഹ്‌ളാദത്തോടെയും പ്രതീക്ഷയോടെയുമാണ് കാണുന്നത്.
കൂടുതല്‍ വിവരങ്ങള്‍ക്ക് 0097339474715, 39128941.