ഓമശ്ശേരി: എസ്.കെ.എസ്.എസ്.എഫ് ഓമശ്ശേരി മേഖലാ കമ്മറ്റിയുടെ ആഭിമുഖ്യത്തില്‍ സംഘടിപ്പിക്കുന്ന നാലാമത് റമദാന്‍ പ്രഭാഷണത്തിന്റെ സ്വാഗത സംഘം ഓഫിസ് വഖഫ് ബോര്‍ഡ് ചെയര്‍മാന്‍ റഷീദലി ശിഹാബ് തങ്ങള്‍ ഉദ്ഘാടനം ചെയ്തു.
ജൂണ്‍ മൂന്ന് മുതല്‍ ആറ് വരേ ഓമശ്ശേരി പൊയിലില്‍ നടക്കുന്ന പരിപാടിയില്‍ മഅ്മൂന്‍ ഹുദവി വണ്ടൂര്‍, മുനീര്‍ ഹുദവി വിളയില്‍, സ്വാലിഹ് നിസാമി എളേറ്റില്‍ എന്നിവര്‍ പ്രഭാഷണം നിര്‍വഹിക്കും. യോഗത്തില്‍ നാസര്‍ ഫൈസി കൂടത്തായി അധ്യക്ഷനായി. കെ.എന്‍.എസ് മൗലവി, കുഞ്ഞാലന്‍കുട്ടി ഫൈസി, ടി.പി. ഇബ്രാഹിം ഹാജി, ഇ.കെ. ഹുസൈന്‍ ഹാജി, പോക്കര്‍ ബാഖവി, ഗഫൂര്‍ മുണ്ടുപാറ, നിസാം തായമ്പ്ര, അഷ്‌റഫ് ജാറംകണ്ടി, ജാഫര്‍ മുസ്ലിയാര്‍, മുനീര്‍ മുണ്ടുപാറ, മുഹമ്മദ് ഫൈസി മങ്ങാട്, മുസ്തഫ അശ്അരി, മിദ്‌ലാജ്, നൂറുദ്ദീന്‍ ഫൈസി, പി.ടി.മുഹമ്മദ് കാതിയോട് സംസാരിച്ചു.