കോഴിക്കോട്: ജില്ലാ എംപ്ലോയ്‌മെന്റ് എക്‌സ്‌ചേഞ്ചിന് കീഴിലുള്ള എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ 20ന് നടത്തുന്ന 'ലക്ഷ്യ- 2017' മെഗാ ജോബ് ഫെസ്റ്റിലേക്കുള്ള രജിസ്‌ട്രേഷന്‍ 10ന് രാവിലെ 10.30 മുതല്‍ വടകര ടൗണ്‍ എംപ്ലോയ്‌മെന്റ് എക്‌സ്‌ചേഞ്ചില്‍ നടക്കും. സ്വകാര്യ കമ്പനികളില്‍ തൊഴില്‍ അന്വേഷിക്കുന്ന ഉദ്യോഗാര്‍ഥികളെ ലക്ഷ്യമാക്കി പ്രവര്‍ത്തിക്കുന്ന എംപ്ലോയബിലിറ്റി സെന്ററില്‍ ഒറ്റത്തവണ രജിസ്റ്റര്‍ ചെയ്തവര്‍ക്ക് സൗജന്യമായി മേളയില്‍ പങ്കെടുക്കാം. മുപ്പത്തഞ്ചോളം പ്രമുഖ കമ്പനികള്‍ പങ്കെടുക്കുന്ന മേളയില്‍ 3500ഓളം ഒഴിവുകളാണ് പ്രതീക്ഷിക്കുന്നത്.
കുറഞ്ഞപക്ഷം എസ്.എസ്.എല്‍.സി യോഗ്യതയുള്ള 35 വയസില്‍ താഴെയുള്ള രജിസ്റ്റര്‍ ചെയ്യാന്‍ താല്‍പര്യമുള്ള ഉദ്യോഗാര്‍ഥികള്‍ക്ക്, ഒറ്റത്തവണ രജിസ്‌ട്രേഷന്‍ തുകയായ 250 രൂപയും ഐ.ഡി കാര്‍ഡിന്റെ പകര്‍പ്പും നല്‍കി കോഴിക്കോട് സിവില്‍സ്റ്റേഷനില്‍ പ്രവര്‍ത്തിക്കുന്ന എംപ്ലോയബിലിറ്റി സെന്ററില്‍ നേരിട്ടെത്തി അംഗത്വമെടുക്കാം. ഇതോടെ ഉദ്യോഗാര്‍ഥികള്‍ക്ക് എംപ്ലോയബിലിറ്റി സെന്ററിന്റെ എല്ലാ തൊഴില്‍ മേളകളിലും ആഴ്ചകളില്‍ നടത്തുന്ന അഭിമുഖങ്ങളിലും സൗജന്യമായി പങ്കെടുക്കാം. ഫോണ്‍: 0495 -2370176, 2370178.