കൊണ്ടോട്ടി: കള്ള ടാക്‌സി സര്‍വിസ് തടഞ്ഞതിന്റെ പേരില്‍ കേരള ടാക്‌സി ഡ്രൈവേഴ്‌സ് ഓര്‍ഗനൈസേഷന്റെ(കെ.ടി.ഡി.ഒ)പ്രവര്‍ത്തകരെ അറസ്റ്റ് ചെയ്തതില്‍ പ്രതിഷേധിച്ച് ഓര്‍ഗനൈസേഷന്‍ ജില്ലാ കമ്മിറ്റി കരിപ്പൂര്‍ പൊലിസ് സ്റ്റേഷനിലേക്ക് മാര്‍ച്ച് നടത്തി.നിയമവിരുദ്ധമായി സര്‍വിസ് നടത്തിയ കള്ള ടാക്‌സിക്ക് പൊലിസ് സംരക്ഷണം നല്‍കിയെന്നാരോപിച്ചാണ് മാര്‍ച്ച്. സംസ്ഥാന പ്രസിഡന്റ് സ്മാസ് മുഹമ്മദ് ഉദ്ഘാടനം ചെയ്തു.മജീദ് കോട്ടക്കല്‍ അധ്യക്ഷനായി. ഖാസിം കോഴിക്കോട് മുഖ്യപ്രഭാഷണം നടത്തി. ജനീസ് പാലക്കാട്, ജില്‍സണ്‍ തൃശൂര്‍, ജനീസ് കണ്ണൂര്‍, വിനീഷ് കാസര്‍ക്കോട് സംസാരിച്ചു.