കേരളത്തിന് പുറത്ത് ഇടതുപക്ഷം മുന്നിട്ടുനില്‍ക്കുന്നത് തമിഴ്‌നാട്ടില്‍ മാത്രം. മധുര, നാഗപ്പട്ടണം എന്നിവിടങ്ങളിലാണ് സി.പി.എം-സി.പി.ഐ മുന്നിട്ടുനില്‍ക്കുന്നത്. അതേസമയം പശ്ചിമ ബംഗാളില്‍ ഒരു സീറ്റിലും ഇടതുപക്ഷത്തിന് ഇതുവരെ ലീഡ് ഉയര്‍ത്താന്‍ സാധിച്ചിട്ടില്ല. തൃണമൂല്‍ കോണ്‍ഗ്രസാണ് 19 സീറ്റുമായി മുന്നിട്ടുനില്‍ക്കുന്നത്. ബി.ജെ.പി ഏഴ് സീറ്റുകളില്‍ മുന്നിടുന്നു. ഇടതു പക്ഷത്തിന്റെ ഉറച്ച സീറ്റായ റെഗഞ്ച് ഉള്‍പ്പെടെയുള്ള ആറ് സീറ്റുകളില്‍ ബി.ജെ.പിയാണ് മുന്നിലുള്ളത്. കോണ്‍ഗ്രസിന് ഒരു മണ്ഡലത്തില്‍ മുന്നിലുണ്ട്.