മലപ്പുറം: കേരളത്തില്‍ അടുത്തിടെ നടന്ന എല്ലാ അഴിമതികളും മുന്‍കൂട്ടി പ്ലാന്‍ ചെയ്തതാണെന്നാണ് വ്യക്തമാവുന്നതെന്നും ജനങ്ങള്‍ ഇതെല്ലാം ഗൗരവത്തോടെയാണ് കാണുന്നതെന്നും മുസ്‌ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി.
മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറി തന്നെയായിരുന്നു അഴിമതികളുടെയെല്ലാം പ്രഭവകേന്ദ്രം. യു.ഡി.എഫിന്റെ പ്രക്ഷോഭങ്ങള്‍ വ്യക്തികള്‍ക്കെതിരേയല്ല, അഴിമതിക്കെതിരേയാണ്.
അഴിമതി നടന്നെന്നത് വളരെ വ്യക്തമാണ്. ആര് നടത്തിയെന്ന് അന്വേഷണ ഏജന്‍സികള്‍ കണ്ടുപിടിക്കട്ടെ. അഴിമതിക്കെതിരായ ജനകീയ പ്രതിഷേധങ്ങള്‍ അടിത്തട്ടിലും ശക്തമായാണ് നടക്കുന്നതെന്നും ഇതു കേരളമാകെ അലയടിക്കുമെന്നും അദ്ദേഹം മാധ്യമങ്ങളോട് പറഞ്ഞു.