കോഴിക്കോട്: കാലിക്കറ്റ് സര്‍വകലാശാല ഇന്റര്‍സോണ്‍ കലോത്സവത്തില്‍ സംഘര്‍ഷമുണ്ടാകുമെന്ന രഹസ്യവിവരത്തെ തുടര്‍ന്ന് നാളെ മുതല്‍ കൂടുതല്‍ പൊലിസിനെ വിന്യസിക്കുമെന്ന് നടക്കാവ് സി.ഐ ടി.കെ അഷ്‌റഫ് സുപ്രഭാതത്തോട് പറഞ്ഞു.
കലോത്സവം ആരംഭിച്ച ഇന്നലെയും വിദ്യാര്‍ഥി രാഷ്ട്രീയ സംഘടനകള്‍ തമ്മില്‍ ചെറിയ തോതിലുള്ള വാക്കേറ്റമുണ്ടായി. അഞ്ചു വര്‍ഷത്തിന് ശേഷം എസ്.എഫ്.ഐ യൂനിയന്റെ നേതൃത്വത്തില്‍ നടത്തുന്ന കലോത്സവമായതിനാല്‍ സംഘര്‍ഷം പരമാവധി ഒഴിവാക്കാന്‍ ശ്രമിക്കുമെന്ന് നേതാക്കള്‍ പറഞ്ഞു. പ്രവര്‍ത്തകര്‍ നടത്തുന്ന സംഘര്‍ഷങ്ങളില്‍ സംഘടനക്ക് ഉത്തരവാദിത്തമുണ്ടാകില്ലെന്നും നേതാക്കള്‍ കൂട്ടിച്ചേര്‍ത്തു.