തിരുവനന്തപുരം: ജിഷ്ണു കേസിലെ സത്യാവസ്ഥ ബോധ്യപ്പെടുത്താന്‍ സര്‍ക്കാര്‍ നല്‍കിയ പത്ര പരസ്യത്തിന് 18 ലക്ഷം രൂപ ചെലവായതായി മുഖ്യമന്ത്രി നിയമസഭയെ അറിയിച്ചു.
പത്രമാധ്യമങ്ങള്‍ ഇതുവരെ ബില്‍ നല്‍കാത്തതിനാല്‍ പണം നല്‍കിയിട്ടില്ല. സര്‍ക്കാര്‍ ഇതുവരെ പരസ്യങ്ങള്‍ക്കായി 16 കോടി 11 ലക്ഷം രൂപ ചെലവഴിച്ചു. ഇതില്‍ 7.5 കോടി രൂപ ടെന്‍ഡര്‍ പരസ്യങ്ങള്‍ക്കാണ്. ദൃശ്യമ മാധ്യമങ്ങളിലെ പരസ്യങ്ങള്‍ക്ക് 2 കോടി 25 ലക്ഷം രൂപ ചെലവിട്ടു. വിവരങ്ങള്‍ ഉദ്ദേശിച്ച രീതിയില്‍ ജനങ്ങളെ അറിയിക്കാന്‍ വാര്‍ത്താസമ്മേളനത്തെക്കാള്‍ നല്ലത് പരസ്യമാണെന്നും മുഖ്യമന്ത്രി പറഞ്ഞു.