കോലഞ്ചേരി: പട്ടിമറ്റം ടൗണിലും പരിസര പ്രദേശങ്ങളിലും തെരുവ് വിളക്കുകള്‍ കത്തുന്നില്ലെന്ന് പരാതി. ടൗണിലെ ഹൈമാസ്റ്റ് മാത്രമാണ് കത്തുന്നത്. മറ്റ് പ്രദേശങ്ങളില്‍ കൂരിരുട്ടാണ്. സാമൂഹിക വിരുദ്ധരുടെ അഴിഞ്ഞാട്ടത്തിന് ഇത് കാരണമാകുമെന്ന് വ്യാപാരികള്‍ ചൂണ്ടിക്കാട്ടി. നിരവധി ദേശാല്‍കൃത ബാങ്കുകളും സ്വകാര്യ പണമിടപാട് സ്ഥാപനങ്ങും നൂറ് കണക്കിന് കച്ചവടസ്ഥാപനങ്ങളും സ്ഥിതി ചെയ്യുന്ന പട്ടിമറ്റം പ്രദേശത്ത് മോഷണം ഉണ്ടാകാതിരിക്കാന്‍ തെരുവ് വിളക്കുകള്‍ അത്യന്താപേക്ഷിതമാണെന്ന് വ്യാപാരി വ്യവസായി ഏകോപന സമിതി അറിയിച്ചു. ഇക്കാര്യത്തില്‍ ശക്തമായ നടപടി സ്വീകരിക്കണമെന്നും ഇവര്‍ ആവശ്യപ്പെട്ടു.