റിയാദ്: പരപ്പനങ്ങാടി മുന്‍സിപ്പല്‍ കെ.എം.സി.സി കമ്മിറ്റി അറബി ഭാഷാസമര അനുസ്മരണവും ഇഫ്താര്‍ സംഗമവും വാര്‍ഷിക കൗണ്‍സില്‍ മീറ്റും സംഘടിപ്പിച്ചു. ബത്തയിലെ അപ്പോളോ ഡിമോറോ ഓഡിറ്റോറിയത്തില്‍ നടന്ന പരിപാടി അഷ്‌റഫ് അങ്ങമന്റെ അധ്യക്ഷതയില്‍ സയ്യിദ് അഷ്‌റഫ് തങ്ങള്‍ ചെട്ടിപ്പടി ഉദ്ഘടനം ചെയ്തു. സെന്‍ട്രല്‍ കമ്മിറ്റി സെക്രട്ടറി സത്താര്‍ താമരത്ത് ഭാഷാസമര അനുസ്മരണ പ്രഭാഷണം നടത്തി. പ്രവാസ ലോകത്തു മുപ്പത്തിഴേയ് വര്‍ഷം പിന്നിട്ട നാട്ടുകാരായ മുസ്തഫ ചപ്പങ്ങത്തില്‍, ചെറിയബാവ ചെട്ടിപ്പടി, എന്നിവരെ അബ്ദു പഞ്ചാര, എം. പി റസാഖ് എന്നിവര്‍ പുരസ്‌കാരം നല്‍കി ആദരിച്ചു. എസ.് എസ്.എല്‍. സി പരീക്ഷയില്‍ മുഴുവന്‍ വിഷയങ്ങളിലും എ. പ്ലസ് വാങ്ങിയ ഫാത്തിമ സഹ്‌ല ഊര്‍പ്പായി, ക്വിസ് മത്സര വിജയികളായ മുസ്തഫ തങ്ങള്‍, മുജീബ് പരപ്പനങ്ങാടി, നൗഫല്‍ പുത്തന്‍കടപ്പുറം എന്നിവര്‍ക്കുംള്ള ഉപഹാരവും നല്‍കി. കമ്മിറ്റിയുടെ കഴിഞ്ഞ മൂന്നു വര്‍ഷത്തെ പ്രവര്‍ത്തന റിപ്പോര്‍ട്ട് നൗഫല്‍ ചാപ്പപ്പടി അവതരിപ്പിച്ചു.
സി. പി മുസ്തഫ, ഉസ്മാനലി പാലത്തിങ്ങല്‍, അസീസ് വെങ്കിട്ട, അഷ്‌റഫ് മോയന്‍, അര്‍ഷദ് തങ്ങള്‍ ആശംസകള്‍ നേര്‍ന്നു. മജീദ് പി. ഒ, അസ്‌ലം നഹ, ജബ്ബാര്‍ പാലത്തിങ്ങല്‍, സലിം ചെട്ടിപ്പടി, ഷബീര്‍ ചിറമംഗലം, സുഹൈബ്, ഫൈസല്‍ ചിറമംഗലം, ഇസ്മായില്‍ മോയന്‍, നൗഫല്‍ ചാപ്പപ്പടി എന്നിവര്‍ നേതൃത്വം നല്‍കി. ജനറല്‍ സെക്രട്ടറി കാസിം പഞ്ചാര സ്വാഗതവും ട്രഷറര്‍ മുസ്തഫ തങ്ങള്‍ നന്ദിയും പറഞ്ഞു.