ന്യൂഡല്‍ഹി: ഒരാഴ്ചക്കിടെ രണ്ട് അന്താരാഷ്ട്ര പോരാട്ടത്തിന്റെ ഫൈനലിലെത്തിയിട്ടും കിരീടം ഭാഗ്യമില്ലാതെ ഇന്ത്യയുടെ ടേബിള്‍ ടെന്നീസ് താരം ആന്റണി അമല്‍രാജ്.
കഴിഞ്ഞ ദിവസം ബ്രസീല്‍ ഓപണിന്റെ ഫൈനലിലെത്തിയ താരം ബ്രസീല്‍ താരമായ ക്ലഡ്‌റാനോ ഹ്യൂഗോയോട് 12-14, 9-11, 7-11, 7-11, 5-11 എന്ന സ്‌കോറിന് പൊരുതി തോല്‍ക്കുകയായിരുന്നു.
ദിവസങ്ങള്‍ക്ക് മുന്‍പ് ചിലി ഓപണില്‍ മറ്റൊരു ഇന്ത്യന്‍ താരമായ സൗമ്യജിത് ഘോഷിന് മുന്നില്‍ ആന്റണി തോല്‍വി വഴങ്ങിയിരുന്നു. അതേസമയം ചിലിയില്‍ ഡബിള്‍സ് പോരാട്ടത്തില്‍ ആന്റണിയും സൗമ്യജിതും അടങ്ങിയ സഖ്യത്തിനാണ് കിരീടം.