ജുബ: ദക്ഷിണ സുഡാനില്‍ വിമാനം പുഴയില്‍ തകര്‍ന്നുവീണ് 19 പേര്‍ മരിച്ചു. ജുബി അന്താരാഷ്ട്ര വിമാനത്താവളത്തില്‍ നിന്ന് യിരോള്‍ നഗരത്തിലേക്ക് പറന്ന ചെറുവിമാനമാണ് അപകടത്തില്‍പ്പെട്ടത്.

അപകടസ്ഥലത്തു നിന്ന് ഒരു കുട്ടി, സഹപൈലറ്റ് ഉള്‍പ്പെടെ മൂന്നുപേരെ രക്ഷപ്പെടുത്തി. 19 സീറ്റുള്ള വിമാനമാണ് തകര്‍ന്നുവീണത്. ജീവനക്കാരടക്കം 22 പേരാണ് അപകടസമയത്ത് ഉണ്ടായിരുന്നത്.

മോശം കാലാവസ്ഥയാണ് അപകടകാരണമെന്നാണ് അറിയുന്നത്. എന്നാല്‍ ഇക്കാര്യത്തില്‍ അന്വേഷണം നടക്കുകയാണ്.