കോലഞ്ചേരി: പൂത്തൃക്ക പഞ്ചായത്തിലെ രണ്ടാം വാര്‍ഡ് പ്രതിഭ കുടുംബശ്രീ യൂനിറ്റുകള്‍ നടത്തുന്ന പൊലിവ് കാര്‍ഷിക പദ്ധതി ബ്ലോക്ക് പഞ്ചായത്തംഗം എന്‍.എന്‍. രാജന്‍ ഉദ്ഘാടനം ചെയ്തു. പഞ്ചായത്തംഗം ജോണ്‍ ജോസഫ് അധ്യക്ഷത വഹിച്ചു.
ഓണത്തിന് വിഷരഹിത പച്ചക്കറി എന്ന ലക്ഷ്യത്തോടെയാണ് പദ്ധതി ഒരുക്കിയിരിക്കുന്നത്. ജൈവകൃഷി പ്രചാരകനും മാമല എക്‌സൈസ് സിവില്‍ എക്‌സൈസ് ഓഫീസറുമായ ഒ.എന്‍ അജയകുമാര്‍ ക്ലാസെടുത്തു.
കുടുംബശ്രീ പ്രസിഡന്റ് എ.കെ സിമി, സെക്രട്ടറി കാര്‍ത്ത്യായനി തങ്കപ്പന്‍, കുമാരി രാജന്‍, സുനിതാ ഷാജി, ഷീജ രാജീവ് എന്നിവര്‍ നേതൃത്വം നല്‍കി. സര്‍ക്കാരിന്റേയും കുടുംബശ്രീ മിഷന്റേയും സഹകരണത്തോടെ പയര്‍, വെണ്ട, മുളക് തൈ, വഴുതന, ചീര, മഞ്ഞള്‍ എന്നിവയാണ് നട്ടത്.