റിയാദ്: സഊദിയിൽ പെട്രോൾ വിലയിൽ കുറവ് വരുത്തിയതായി സഊദി ദേശീയ എണ്ണക്കമ്പനിയായ സഊദി അരാംകോ അറിയിച്ചു. 91 ഇനം പെട്രോളിന് ലിറ്ററിന് 1.47 റിയാലിൽ നിന്നും 1.44 റിയാലായും 95 ഇനം പെട്രോളിന് 1.64 റിയാലിൽ നിന്നും 1.59 റിയാലുമായാണ് കുറച്ചത്.

    ഓരോ മാസത്തിലും അന്താരാഷ്ട്ര വിലക്കനുസരിച്ചാണ് സഊദിയിൽ ഇപ്പോള്‍ എണ്ണ വിലയില്‍ മാറ്റം വരുത്തുന്നത്. ഇതിന്റെ ഭാഗമായാണ് രാജ്യത്തെ പ്രാദേശിക വിപണിയിൽ വില കുറച്ചത്. ഇനി അടുത്ത മാസം പത്തിനായിരിക്കും പുതിയ നിശ്ചയിക്കുക.

     ഏൽപിജി 0.75 ഹലാല, ഡീസൽ 0.52 ഹലാല, മണ്ണെണ്ണ 0.70 ഹലാല എന്നിങ്ങനെയാണ് ഓരോ ലിറ്ററിനുള്ള നിലവിലെ വില.