റിയാദ്: യമനിൽ രൂക്ഷ പോരാട്ടം നടക്കുന്ന സഅദയിൽ അറബ് സഖ്യ സേന നടത്തിയ സൈനിക നീക്കത്തിൽ വിമത വിഭാഗത്തിലെ 30 ലധികം ഹൂതി സൈനികർ കൊല്ലപ്പെട്ടതായി അൽ അറബിയെ ചാനൽ റിപ്പോർട്ട് ചെയ്‌തു. അൽ ജൗഫ് മേഖലയിൽ നടത്തിയ വ്യോമ നീക്കത്തിലാണ് ഹൂതി സൈനികരെ വകവരുത്തിയത്.

 

ഹജ്ജാഹ് പ്രവിശ്യയിൽ യമൻ സൈനിക വിഭാഗം നിർണ്ണായക മുന്നേറ്റം നടത്തിയതായും റിപ്പോർട്ടുകളുണ്ട്. സഅദയിൽ വിമതർ പാകിയ നിരവധി പ്രദേശത്തെ കുഴിബോംബുകളും സൈന്യം നിർജ്ജീവമാക്കി. നിരവധി ഗ്രാമങ്ങൾ വിമതരിൽ നിന്നും മോചിപ്പിച്ചതായും ഞായറാഴ്ച്ച പുറത്തു വിട്ട സൈനിക റിപ്പോർട്ടിൽ വ്യക്തമാക്കുന്നുണ്ട്.

 

യുദ്ധം അവസാനിപ്പിക്കാനായി ജനീവയിൽ ആരംഭിച്ച സമാധാന ചർച്ച ഹൂതികൾ എത്താത്തതിനെ തുടർന്ന് പരാജയപ്പെട്ടിരുന്നു. ഇതെ തുടർന്നു വീണ്ടും യുദ്ധം കനക്കുമെന്നാണ് കരുതുന്നത്.