നെടുമ്പാശ്ശേരി: നിയന്ത്രണം വിട്ട കാര്‍ പാടത്തേക്ക് മറിഞ്ഞു. കരുമാല്ലൂര്‍ വെളിയത്തുനാട് ക്രഷറിനു സമീപം ഇന്നലെ ഉച്ചയ്ക്ക് 12.30 ഓടെയായിരുന്നു അപകടം. ഡ്രൈവര്‍ മാത്രമാണ് വണ്ടിയില്‍ ഉണ്ടായിരുന്നത്. ഇയാള്‍ നിസാര പരിക്കുകളോടെ രക്ഷപ്പെട്ടു. യു.സി കോളേജ് ഭാഗത്തേക്ക് പോകുകയായിരുന്ന കാര്‍ പെട്ടെന്ന് നിയന്ത്രണം വിട്ട് റോഡില്‍ നിന്നും നാലടിയോളം താഴ്ച്ചയുള്ള പാടത്തേക്ക് മറിയുകയായിരുന്നു.