നെടുമ്പാശ്ശേരി: റോഡപകടത്തില്‍ നട്ടെല്ലിന് ഗുരുതരമായി പരിക്കേറ്റ യമന്‍ യുവാവ് വിദഗ്ധ ചികിത്സ തേടി കൊച്ചിയിലെത്തി. യെമന്‍ സ്വദേശിയായ മുഹമ്മദ് യഹ്‌യ അഹമ്മദ് അല്‍വാര്‍ദ് (30) ആണ് ഇന്നലെ പ്രത്യേക വിമാനത്തില്‍ നെടുമ്പാശ്ശേരിയില്‍ എത്തിയത്. റോഡപകടത്തെ തുടര്‍ന്ന് നട്ടെല്ലിനും നടുവിനും കഠിനമായ ക്ഷതമേറ്റതിനെ തുടര്‍ന്നു കിടക്കയില്‍ നിന്നും എഴുന്നേല്‍ക്കുവാനോ ശരീരം അനക്കുവാനോ സാധിക്കാത്ത അവസ്ഥയിലാണ് ഈ യുവാവ്.
ഇയാളെ വിദഗ്ധ ചികില്‍സക്കായി കൊച്ചിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഒമാന്‍ എയറിന്റെ പ്രത്യേക സജ്ജീകരണങ്ങളോടെയുള്ള വിമാനത്തില്‍ ഇന്നലെ വൈകിട്ട് 3.30 ഓടെയാണ് ഈ യുവാവിനെ നെടുമ്പാശ്ശേരിയില്‍ എത്തിച്ചത്.വിമാനത്താവളത്തില്‍ നിന്നും പ്രത്യേക സംവിധാനങ്ങളുള്ള ആംബുലന്‍സില്‍ ആശുപത്രിയില്‍ എത്തിക്കുകയായിരുന്നു.