ധോണി അഞ്ചാമനായിത്തന്നെ ഇറങ്ങണം: സച്ചിന്
മുംബൈ: ലോകകപ്പിന് ഒരാഴ്ച മാത്രം ശേഷിക്കേ ഇന്ത്യന് ടീമില് നാലാമനായി ആര് ബാറ്റ് ചെയ്യണമെന്നത് തീരുമാനമായിട്ടില്ല. ഒരുപാടു പേരുകള് മുന്നോട്ടു വയ്ക്കുന്നുണ്ടെങ്കിലും നാലാം നമ്പറില് വിശ്വസ്തനായ ഒരു ബാറ്റ്സ്മാനെ കണ്ടെത്താന് ടീം മാനേജ്മെന്റിന് കഴിഞ്ഞിട്ടില്ല.
ഈ സാഹചര്യത്തില് ഇന്ത്യന് വൈസ് ക്യാപ്റ്റന് രോഹിത് ശര്മ നാലാം നമ്പറില് ബാറ്റ് ചെയ്യാന് ധോണിയുടെ പേര് നിര്ദേശിച്ചിരുന്നു.
എന്നാല് ഇപ്പോള് രോഹിത്തിന്റെ ഈ നിര്ദേശത്തെ തള്ളിക്കൊണ്ട് രംഗത്തെത്തിയിരിക്കുകയാണ് ക്രിക്കറ്റ് ഇതിഹാസം സച്ചിന് ടെന്ഡുല്ക്കര്.
ധോണിയുടെ ബാറ്റിങ് പൊസിഷന് ഒരു കാരണവശാലും മാറ്റരുതെന്നും അദ്ദേഹംഅഞ്ചാം നമ്പറില് തന്നെയാണ് അനുയോജ്യനെന്നും അഞ്ചാം നമ്പറില് ധോണിയ്ക്ക് മികച്ച സംഭാവന ടീമിനു വേണ്ടി നല്കാന് കഴിയുമെന്നും സച്ചിന് പറഞ്ഞു.
രോഹിത്തും ധവാനും ഓപ്പണറായും കോഹ്ലി മൂന്നാമനായും ഇറങ്ങുമ്പോള് അഞ്ചാമനായി ധോണിയെത്തുമ്പോള് നിര്ണായക ഘട്ടങ്ങളില് ടീമിന് തുണയാകും.
ആറാം നമ്പറില് ഹാര്ദിക്കും എത്തണം. അങ്ങനെയാണെങ്കില് ഡെത്ത് ഓവറുകളില് സൂപ്പര് ഫിനിഷിങ് പാടവമുള്ള ധോണിയ്ക്ക് പാണ്ഡ്യയ കൂട്ടുപിടിച്ച് മികച്ച സ്കോര് ടീമിനു വേണ്ടി കണ്ടെത്താന് സാധിക്കുമെന്നും സച്ചിന് പറഞ്ഞു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."