ഹൈദരാബാദ്: ആള്‍ ഇന്ത്യാ മജ്‌ലിസേ ഇത്തിഹാദുല്‍ മുസ്‌ലിമീന്‍ അധ്യക്ഷന്‍ അസദുദ്ദീന്‍ ഉവൈസിക്ക് ഹൈദരാബാദില്‍ നാലാമതും വിജയം. രണ്ടരലക്ഷത്തോളം വോട്ടുകള്‍ക്കാണ് ഉവൈസിയുടെ വിജയം. മഹാരാഷ്ട്രയിലെ ഔറംഗബാദിലും മജ്‌ലിസ് സ്ഥാനാര്‍ഥി വിജയിച്ചു. സംസ്ഥാനത്ത് പാര്‍ട്ടി എം.എല്‍.എയായിരുന്ന ഇംതിയാസ് ജലീല്‍ സെയ്ദ് ശിവസേനയുടെ ചന്ദ്രകാന്ത് ഖൈരയെ ഏഴായിരത്തേലെറെ വോട്ടുകള്‍ക്കാണ് പരാജയപ്പെടുത്തിയത്.