പട്ടാണി: തായ്‌ലാന്റിലെ പട്ടാണിയിലുണ്ടായ ഇരട്ട സ്‌ഫോടനത്തില്‍ കുട്ടികളടക്കം 50 പേര്‍ക്ക് പരുക്കേറ്റു. പട്ടാണിയിലെ ഷോപ്പിങ് കോംപ്ലക്‌സിനു പുറത്താണ് സ്‌ഫോടനമുണ്ടായത്.

മാളിനു പുറത്ത് നിര്‍ത്തിയിട്ട മോട്ടോര്‍സൈക്കിളിലാണ് ആദ്യ സ്‌ഫോടനമുണ്ടായത്. ഇതിനു സമീപത്ത് നിര്‍ത്തിയിട്ട കാറില്‍ നിന്നാണ് രണ്ടാമത്തെ സ്‌ഫോടനമുണ്ടായത്. ഇവിടുത്തെ വിമത വിഭാഗമാണ് സ്‌ഫോടനത്തിനു പിന്നിലെന്നാണ് റിപ്പോര്‍ട്ടുകള്‍.

ബുദ്ധ ഭൂരിപക്ഷ രാജ്യമായ തായ്‌ലാന്റിലെ മുസ്‌ലിം ഭൂരിപക്ഷ പ്രദേശമായ യാല, പട്ടാണി, നരാത്തിവാട്ട് പ്രദേശങ്ങളില്‍ 2004 മുതല്‍ തുടര്‍ച്ചയായി നടക്കുന്ന ആക്രമണങ്ങളിലും സ്‌ഫോടനങ്ങളിലും 6500 പേരാണ് കൊല്ലപ്പെട്ടത്.