ലണ്ടന്‍: മെക്‌സിക്കോയിലെ വെടിമരുന്നുശാലയില്‍ തീപിടിച്ചുണ്ടായ പൊട്ടിത്തെറിയില്‍ 14 പേര്‍ മരിച്ചു. മരിച്ചവരില്‍ അഞ്ചു കുട്ടികളുമുണ്ട്.

22 പേര്‍ക്ക് പരുക്കേറ്റതായാണ് റിപ്പോര്‍ട്ട്. മെക്‌സിക്കോ നഗരത്തിന്റെ 200 കിലോമീറ്റര്‍ തെക്കു-കിഴക്കായി സ്ഥിതി ചെയ്യുന്ന പീബ്ലയിലാണ് അപകടം.

മെയ് 15ന് മെക്‌സിക്കോയില്‍ വാര്‍ഷികോല്‍സവം നടക്കാനിരിക്കേ, അതിനു വേണ്ടി തയ്യാറാക്കി വച്ചിരുന്ന വെടിമരുന്നുശാലയിലാണ് അപകടമുണ്ടായത്.

അഞ്ചു മാസം മുന്‍പ് ഇവിടെ സമാനമായി നടന്ന സ്‌ഫോടനത്തില്‍ 30 പേര്‍ കൊല്ലപ്പെടുകയും 70 പേര്‍ക്ക് പരുക്കേല്‍ക്കുകയും ചെയ്തിരുന്നു.