അഹമ്മദാബാദ്: ബിറ്റ്‌കോയിന്‍ തട്ടിപ്പുമായി ബന്ധപ്പെട്ട് പൊലിസ് അന്വേഷണം തുടങ്ങിയതോടെ ഒളിവില്‍ പോയ മുന്‍ഗുജറാത്ത് ബി.ജെ.പി എം.എല്‍.എ നളിന്‍ കൊട്ടോഡിയയെ മഹാരാഷ്ട്രയില്‍നിന്ന് അറസ്റ്റ് ചെയ്തു.
തട്ടിപ്പുമായി ബന്ധപ്പെട്ട് ഒളിവില്‍ പോയ ഇയാളെ മൂന്നുമാസം മുന്‍പ് പിടികിട്ടാപുള്ളിയായി പ്രഖ്യാപിച്ചിരുന്നു. തുടര്‍ന്ന് നടത്തിയ അന്വേഷണത്തിലാണ് അദ്ദേഹത്തെ മഹാരാഷ്ട്രയിലെ ജല്‍ഗാവോണ്‍ ജില്ലയില്‍ നിന്ന് പിടികൂടിയത്.