സൂറത്ത്: ഗുജറാത്തിലെ സൂറത്തില്‍ വന്‍ തീപിടുത്തം. വെള്ളിയാഴ്ച വൈകിട്ടോടെയാണ് സംഭവം. 19 പേര്‍ മരിച്ചു.  തീപിടുത്തത്തില്‍ നിന്ന് രക്ഷപെടാനായി കുട്ടികള്‍ മൂന്നാം നിലയില്‍ നിന്ന് ചാടുന്നതിന്റെ ദൃശ്യങ്ങള്‍ സമൂഹ മാധ്യമങ്ങളില്‍ പ്രചരിക്കുന്നുണ്ട്.

തക്ഷശില കോംപ്ലക്സ് എന്ന കെട്ടിടത്തിലെ മൂന്നാം നിലയിലാണ് തീപിടുത്തമുണ്ടായത്. 19 ഓളം ഫയര്‍ എഞ്ചിനുകള്‍ ഉപയോഗിച്ച് തീയണയ്ക്കാനുള്ള ശ്രമങ്ങള്‍ പുരോഗമിക്കുകയാണ്.

പ്രധാനമന്ത്രി നരേന്ദ്ര മോദി തീപിടുത്തത്തില്‍ അനുശോചനം രേഖപ്പെടുത്തി. ഗുജറാത്ത് സര്‍ക്കാര്‍ അന്വേഷണത്തിന് ഉത്തരവിട്ടു. മരിച്ചവരുടെ കുടുംബത്തിന് നാല് ലക്ഷം രൂപ പ്രഖ്യാപിച്ചു.