പെരുമ്പാവൂര്‍: മുടിക്കല്‍ മേഖല ലഹരിവിരുദ്ധ ജനകീയ സമിതിയുടെ ആഭിമുഖ്യത്തില്‍ ലഹരിവിരുദ്ധ റാലിയും പൊതുസമ്മേളനവും നടത്തി. പെരുമ്പാവൂര്‍ പ്രിന്‍സിപ്പല്‍ എസ്.ഐ പി.എ ഫൈസല്‍ സമിതി ചെയര്‍മാന്‍ ഷഫീക്ക് മാമ്പിള്ളിക്ക് പതാക കൈമാറി റാലി ഉദ്ഘാടനം ചെയ്തു.
തുടര്‍ന്ന് നടന്ന പൊതുസമ്മേളനം ജില്ലാ എക്‌സൈസ് കമ്മീഷ്ണര്‍ നാരായണന്‍കുട്ടി ഉദ്ഘാടനം ചെയ്തു. ഷഫീക്ക് മാമ്പിള്ളി അധ്യക്ഷത വഹിച്ചു.
മുസ്‌ലിം ലീഗ് ജില്ലാ വൈസ് പ്രസിഡന്റ് എന്‍.വി.സി അഹമ്മദ്, എം.എ മുഹമ്മദ് കുഞ്ഞാമി, എം.എം മുജീബ് റഹ്മാന്‍, എം.എ മുഹമ്മദ്കുഞ്ഞ്, മമ്മി സെഞ്ച്വറി, റ്റി.എം ഷാഹുല്‍ ഹമീദ്, എം.എ അഷറഫ്, എം.എസ് അന്‍സാര്‍, സലീം വാണിയക്കാടന്‍ എന്നിവര്‍ സംസാരിച്ചു. റാലിക്ക് എം.കെ ഹംസ, റ്റി.എച്ച് ഇര്‍ഷാദ്, കെ.എച്ച് താഹ, എം.കെ അന്‍സാര്‍, ഷമീര്‍ തുകലില്‍, ഷഫീക്ക് കുന്നപ്പിള്ളി, റ്റി.എം കരീം, ജബ്ബാര്‍ അലിവ്, കെ.എം അബ്ദുല്‍ അസീസ്, പി.എസ് മുഹമ്മദാലി,റ്റി.ബി നാസ്സര്‍, പി.ബി സലാം, പി.എ ശുക്കൂര്‍, സനിത റഹീം, വി.സി ചന്ദ്രന്‍, നസീര്‍ കാക്കനാട്ടില്‍ എന്നിവര്‍ നേതൃത്വം നല്‍കും.