കോഴിക്കോട്: കഞ്ചാവ് കടത്തുന്നതിനിടെ വടകര സ്വദേശികളായ രണ്ടു യുവാക്കളെ കണ്ണൂര്‍ ഇരിട്ടി എക്‌സൈസ് സംഘം പിടികൂടി. എടച്ചേരിയിലെ ധനേഷ് (26), സനൂപ് (20) എന്നിവരെയാണ് ഇന്നലെ പുലര്‍ച്ചെ അഞ്ചോടെ ഇരിട്ടി ടൗണില്‍ എക്‌സൈസ് ഇന്‍സ്‌പെക്ടര്‍ സിനു കൊയിലത്തിന്റെ നേതൃത്വത്തിലുള്ള സംഘം പിടികൂടിയത്. ഇവരില്‍നിന്ന് 200 ഗ്രാം കഞ്ചാവും പിടികൂടി. വിദ്യാര്‍ഥികള്‍ ഉള്‍പ്പെടെയുള്ളവര്‍ക്ക് ഇരിട്ടി കേന്ദ്രീകരിച്ച് ലഹരി മാഫിയകള്‍ കഞ്ചാവ് മയക്കുമരുന്ന് എത്തിച്ചുനല്‍കുന്നുണ്ടെന്ന രഹസ്യവിവരത്തിന്റെ അടിസ്ഥാനത്തില്‍ എക്‌സൈസ് നടത്തിയ പരിശോധനയിലാണു പ്രതികള്‍ പിടിയിലായത്.